У 2013 року будзе у України пописованє жительства. Воно нє лєм же укаже численосц українских жительох, алє укаже и квантитативне одношенє етнїчних ґрупох котри жию у держави. З утаргованьом рубрики «националносц» у пасошох, попис жительства остал єдини способ за национални меншини на котри можу дац на знанє свойо иснованє, вихасновац законски, демократични права. Прето, у рамикох наиходзацого попису жительства у України, жительству Закарпатскей обласци важне идентификовац своь националносц етнонимом Русин, здогаднуц на историйне мено.

По резултатох пописованя жительства на Закарпатю 2001. року од 1 мил. 260 тисячи особох за русинох припознати лєм кус вецей як 10 тисячи особи, тй 0,8% од вкупного жительства. Активисти русинского руху тримаю же тота цифра зменьшана, а резултати попису фалсификовани. Дзепоєдни русини предкладали оглашиц ше европским инстанцом и окончиц нєзависне пописованє жительства у Закарпатскей обласци, же би на тот способ дошли до реалней цифр ... Читать дальше »