Як приклад одношеня Закарпатя и України протоєрей Сидор гварел: "Кед ви жену биєце, вона вас на концу зохаби. Алє вец ю ви почнєце обвиньовац же є зла сепаратистка и сушедова шпиюнка! А лєм ю нєтребало биц!"

При тим о. Димитрий виявел и условия: "Кед же Україна и нова власц припозна права Русинох вец ми порихтани остац українска енклава, українски Калинїнґрад. Кед же є нєспособна припознац наш законски статус автономиї и вично плаче як Закарпатє жиє на дотацийох Києва, та най зньеє зоз себе терху дотираного реґиону та ше мирно розидземе як Ческа и Словацка".

У найгоршим случаю, по думаню священїка, "медзинародне право позна и насилни сценарио. Народ после велїх рокох вимаганя своїх правох з оружйом у рукох защици свою шлєбоду. То припозната норма. Хто нєшка осудзує Горватох котри з оружйом у рукох войовали процив Сербох?

Нє, ми ше нє рихтаме войовац и идземе по дипломатичней драги, прето же вериме до реалносци реализациї своїх правох, а нас – як минимум 70% жительох Закарпатя. Ми конститутивна нация у обласци, нас коло 800000", - гварел протоєрей Сидор.

http://ru.tsn.ua/ukrayina/lider-rusinov-my-imeem-pravo-s-oruzhiem-v-rukah-zaschischatsya-ot-ukrainy.html