Каталог статей
Главная » Статьи » Новости |
У Ростове на Дону, у Русиї, основане Русийско-русинске дружтво, з меном Нестора Кукольника, пише українски информативни портал УА репортер (http://ww.ua-reporter.com/content/115255), а на снованю присуствовали потомки Русинох хтори нєшка жию у Ростовскей обласци, историчаре, политиколоґове и ростовски студенти. Предсидатель орґанизациї, историчар и политиколоґ Ґриґорий Миронов у привитней бешеди наглашел же Русох и Русинох вяжу давни братски одношеня, а єден зоз символох того братства и русински и русийски науковец, поет, прекладатель и дружтвени роботнїк з 19. вику Нестор Иванович Кукольник. Як гварел Миронов, Кукольник, Русин, вельо зробел за розвой Донского краю, а кресни кум му бул русийски император Александер Перши. Як активни дружтвени роботнїк, Нестор Кукольник учествовал у вибудови гайзибанскей драги хтора повязує Курск и Ростов, занїмал ше з просветну роботу, економским розвойом свойого краю, еколоґийним станом Азовского моря. Бул и талантовани писатель и поета, так же написал 16 романи, алє и видавач вецей наукових часописох. На снованю Дружтва оценєте же єст вельо можлївосци за сотруднїцтво у русинско-русийских одношеньох. Новоформоване Дружтво ма задаток звекшовац контакти, насампредз у обласци образованя, науки и култури. | |
Просмотров: 804 | Рейтинг: 0.0/0 |
Всего комментариев: 0 | |