Каталог статей
Главная » Статьи » Новости |
ПРЕШОВ (СЛОВАЦКА), 17. новембер 2010. (Рутенпрес) - "Войводянски Руснаци и їх вариянта русинского писаного язика" була тема Дзешатого наукового семинару карпаторусинистики Института русинского язика и култури Прешовского универзитету концом прешлого мешаца. Як пишу Интерент новини Академиї русинскей култури, о язику Руснацох у Войводини 27. октобра преподавал професор на Одсеку за русинистику Фолозофского факултету у Новим Садзе др Михайло Фейса, а преподаваню присуствовали науково роботнїки Институту русинского язика у Прешове, редакторе медийох на язикох народносцох у Словацкей, госци з вецей институцийох, як и студенти русинского язика и литератури Прешовского универзитету. У своїм преподаваню, професор Фейса бешедовал о актуалних линґвистичних проблемох войводянскей вариянти русинского язика, котри ришую линґвисти у Войводини, а у дискусиї после преподаваня, слухачох интересовал и други теми о Руснацох у Войводини, вязани за историйни, релиґийни, културно-просвитни и линґвистични питаня. У дискусиї дотхнута и проблематика зблїжованя вариянтох русинского язика и творенє цалорусинских нормох. Ґу тому, наглашена и можлївосц сотруднїцтва Прешовского и Универзитету у Новим Садзе. У своїм напису, спомнути Интернет новини приноша и кратши историят о Руснацох у Войводини, дзе наглашене же наш язик кодификовани 1923. року, а окреме же зме мали вельки можлївосци розвивац културно-просвитни и дружтвени живот, дзекуюци чому тераз маме барз добру розвиту образовну систему по руски. Як гварене - тайна очуваня идентитету Руснацох у Войводини у думаню и свиодомосци людзох о своїм националним идентитету, на котри би ше мали спатриц и Русини у Словацкей. http://www.ruthenpress.info | |
Просмотров: 1082 | Рейтинг: 0.0/0 |
Всего комментариев: 0 | |